قصائد غنائيه للمبدع محمود عبد العزيز

شــوق العيــون وقت مايسوق عليك خطوات

يداعب في الخيال محيك وأعاين فيكي كم مرات

بضمك في القلب افراح واسعد في العمر لحظات



مشاوير الفرح عندي تطول لمن تشوف عينيك

مسافات الحزن تقصر وقت خطواتي تمشي عليك

اجيك شايل حنان ريدي .. اجيك ياحلوه مشتاق ليك

اعاين في سراب طيفك.. ترقرق في العيون دمعات



على وعد العمر برجاك .. على بعد المسافة اقيف

اغازل في حلم لقياك .. على شاطئ المحبه خريـف

يظلل غيمك إنتي هواي .. من وهج الهجير والصيف

واسرح في جمال حسنك واكتب شعري فيك غنوات

ما بتقدري


مـــابتقدري..حلوه حقو تفكري قبال قرارك تصدري

ومـــابتقدري..

اتذكري انو الهوى غلاب وسلطان الغرام مابتقهري

واتصوري انك قدرتي على النوى القادره للنوم تشتري

ومــابتقدري..

اتمهلي من قبل ماتتهوري ياواحده دون الناس

ومــابتتكرري..

أحلى زولاً غنو ليه .. ليك الدلال ادللي

ابقي البحر بدلا ليه ابقي السما بطلع عليه

ماتهددي وتتعللي وخليهو قلبي على العليه

صمت الشوق


اقول ليكي و لا اخلي صمت الشوق يزيد البي على البيكي

اهاجر في جمال محياك واسيب عينيا لعينيكي

بكون ماسخ كلام الريدا لما يقولو ليك لسان

تتبكم حروف القول و مابتعكس شعور ولهان

يسبح في سعير شوقك على موج الهوا البركان

يحرق في حشا الاحساس ويخلق قدرة الإمكان

أصادق صمتك البواح واكبل انطلاق السيل

من القلب العزف اهاتو بذكراكي عز الليل

آنين صداح من الاعماق يفيض بكل تقيل الشيل

ونكـتم لهفة الاشواق مع الفرح البشد الحيل

أقول ليكي ولا اخلي صمت الشوق يزيد البي على البيكي

أهاجر في جمال محياك واسيب عينيا ..لعينيكي...

حال الريدا


اكيد ماكان بايدك فراقنا و لا بأيدي

جراح لابد نعيشا ودا حال الريدا سيدي

الريد ياناس عذابو صادني وشفتو دابو

توبه من المحبه الريد انا قلبي سابو

صبرتا وكنتا حابي يجي ويطفيها ناري

خاب ظني ورجايا شقاي ضاع و انتـظاري

رضينا خلاص بعادنا بقت احزانا زادنـا

زمان الفرحه ولا معاهو رحل ودادنـا

اكيد ماكان بايديك فراقنا ولا بايدي

جراح لابد نعيشا ودا حال الريدا .. سيدي...

شايل جراح


فى الغربة مشتاق لعنيك
اسرح واعيد الكان بعيد
خطواتى تتلهف عليك
*************
واهاتى بيك واحن اليك
************
شفنا القمر سرحان يطول
يـــــــــــاليل يـــــــــــــطول
شوقنى لى نور وجنتيـــك
ضمينى لوكان فى خــيال
لــــــــــو فى خيـــــــــــال
ختينى لحظات بين ايديك
******
زهــــرة صبايى
جنــــة هــــؤاى
امــــشى واتوه
وارجع واجيك
بعدتنى عـــــنك
غــــربتى وفى
خـــيالى ديــما
اشوف عــنيك
*****************
واهاتى بيك واحن اليك
*****************
فى بسمتــــــك احتـــــــــار واقيف
فى نظرتك خطوات مشيـــــــــــــك
برع القوام محيك يقيف للعاشقين
رحــــــــــــلة غيوم تحمل رسائلى
فى الوطن تــــــسال عليــــــــــــك
لابــــد اعــــــود فى يوم اجيــــــك
تــــتزفى لى واتهنــــــا بيــــــــــك
******
لابد اعود فى يوم اجيك
تتزفى لى واتهنا بيك
واحن اليك.....
واحن اليك....
واحن اليك...
واحن اليك..
واحن اليك.

تؤام روح


قبل ألقاك وترسى الروح تسرح في الأماسي تروح
كنت بلاك جرح ما بروح قلباً بي الأنين مجروح
وجيت الليلة يا سيدي وبقيت لي روحي توأم روح

قبلك ما عرفت الحب ولا راودني في الأحلام
سابح في بحور فكري في أحزاني في الأوهام
حياتي رتيبة، غير عينيك وضحكة ثغرك البسام
وجيت الليلة يا سيدي وبعدك ما عرفت ملام

عرفتك ما عرفت الخوف شقتك ما قدرت أشوف
بقيت لي انت واحد وبس بيك قصرتا حد الشوف

إلا عيونك السمحة ولغة الحب ذواهب وروح
منهن أبقى بي مسعاي حولهن اشتياقي يطول

كتر في المحبه


كتر في المحبة زيد الريدة حبة
نحنا اتنين أحبة وإلا الشوق مخبا
من قمنا وربينا والشوق سامي بينا
جمعتنا العواطف وخضرت سنينا
لو تعرف يا غالي هواك هو الباقي لينا
ما دام انت راضي تاني ولا علينا

وكتر في المحبة وزيد الريدة حبة
نحنا اتنين أحبة وإلا الشوق مخبا

خلي الناس في حالة ما تسمع قوالا
يا سيد اللطافة ريدتك ليهم محالة
صايباني العيون ورامياني بنبالة
بريدك وانت ريدني الناس زعلانة مالة
لو فاكر حبيبك ما تطول بعادك
أسأل كل عاشق مين الزيي رادك
يا سيد اللطافة أبقى على ميعادك
وكتر في المحبة وكتر في ودادك
وكتر في المحبة وزيد الريدة حبة
كتر في المحبة

حنيني اليك


حنينى اليك وليل الغربة اضنانى
وطيف ذكراك بدمع القلب بكانى
وقول ياريت زمانى الفات يعود تانى
القاك يا وحيد عمرى وتلقانى
تلقى الريد معاي لحظة مانسيتك ولا نسانى
ومابنساك ومابقدر ولا عايز بعد حبك احب تانى
بهرب من خيال طيفك فى عيني بلاقيه
اعيش ايامى بالذكرة
الم افراح اعيش بيه
متين الليل يصافينى
ونعود تانى تانى تانى من تانى
القاك ياحبيب عمرى وتلقانى

خدعتني بي دلاله


خدعتنى بدلالة ورمتنى بنبالة
اسرتنى بجمالة ورمتنى بنبالة
خلتنى هويتا وقالت لي لا لا لا
انظر ياخى شوفة وانظر شوف جمالة
قدر ما اعاين ما لاقيت مثالة
يا القاعدين معاها ويا الجلسن قبالة
لونك اسمرانى اخدر زرعى لا لا لا
لونك اسودانى او سودانى شالة
لونك لون افريقيا ياملكة جمالة
يا النايرات خدودها والفارع قوامة
الحلوات شفايفك حلاوة الابتسامة