قليبى رهيف
********
كلمات عمر قسم السيد
ود العمدة
عضو اتحاد شعراء الاغنية السودانية
دامت ليك كل السعادة سماحه
كيف اعبر ليك يااجمل طيف
خليت كل الدنيا ليك عشاق
حسنك ياسلام مافى ليهو رديف
ولهان بى شوقى بيك مفتون
خليتنى ديمه ماشى فوق القيف
القمره غيرانه من الجمال الفيك
من اعجابى بيك بقول يالطيف
مكتول هواك كل البشوف عينيك
رق النسيم بى مشيهو ليك حفيف
فتنت قلبى ياالديمه لاهى وماعليك
كملت السماحه ومافى ليك وصيف
ماترحم عشوقك ماتمشى منو بعيد
مقسوم لى العذاب مادام قليبى رهيف
عمر قسم السيد ود العمدة
شاعر غنائى / جدة
